租用工廈時，除咗價錢同地點係重要嘅考慮因素之外，大家都要留意工廠大廈嘅配套，以免租咗先發現原來唔適合自己！同大家分享工廈應有嘅配套，租倉前記著要check清楚啦！
1. 停車場位置
租用工廈嘅客人少不免都會有一定數量嘅物品需要存放至工廈，有啲仲會搬埋傢俱、單車、季節性電器等大型物品入倉，所以唔少租客都會自己揸車或者安排送貨服務，但並唔係所有工廈都設有停車場，有啲仲可能有幾街之隔咁遠！唔想搬到身水身汗，租倉前要留意附近停車場位置！
2. 定期檢查和維修
唔少工廠大廈早於70年代興建，到而家都已經有40-50年樓齡，機件開始老化，例如電力供應不穩、升降機急墜或無故上升等意外都時有所聞。一旦發生事故，後果不堪設想。
建議大家租工廈時可先向工廈業主立案法團查詢大廈檢查詳情，自己亦可以預先做定資料搜集，了解該工廈是否常有事故發生。大家要謹慎選擇，以免造成人財兩失。
3. 升降機設施
大家都要留意工廈嘅升降機數量，有啲只有一部客?、兩部貨?，如果人流多或者喺繁忙時間就可能大排長龍，有時某一部仲可能被運輸工人長時期佔用或者處於維修狀態，所以大家要留意呢點啦！
一般都需要用到貨?運載貨物，當中比較舊式設計需要開兩道閘門，先要左右推內閘，再要上下拉外閘，如果拎著一袋二袋唔方便，就記住去之前搵埋親友幫忙啦！
4. 保安設備
租倉前可留意工廠大廈嘅大堂以及工廈所屬樓層有無閉路電視，萬一發生意外都可以翻查紀錄。如果工廈有保安員長期駐守及巡邏，咁就更有保障！
5. 防火設備
大部分早年發展嘅工業大廈大都無安裝自動灑水系統或者緊急照明系統、煙霧感應器等防火設備，就好似幾年前牛頭角迷你倉大火，造成嚴重嘅人命傷亡。消防署同埋屋宇署都加強規管，向違規工廈發出警告，不過直至上年年中，違規迷你倉糾正率仍不足2%，市面上仲有好多唔合資格嘅迷你倉。唔想成為下個受害者，就唯有靠自己！
6. 交通配套
交通方便都係其中一個重要嘅考慮因素，租工廈前可了解工廈位置，睇下附近有無公共交通工具直達、距離港鐵站幾遠等，做足功課先租倉！
7. 地契
唔少工廈擅改用途，其中唔少安全、逃生設備都天殘地缺，令到唔少人都人心惶惶。違規嘅工廈有機會被釘牌，客人可能被迫轉倉，到時真係浪費人力物力同時間！
租工廈前可了解一下是否合乎地契嘅定義﹕
- 「工業」用途﹕若有關地契訂明該地段只許作工業用途，經營迷你倉就等於違反地契。
- 「工業及／或倉庫」用途﹕有些工廈的地契訂明地段可作工業或倉庫用途，即使迷你倉並非貯存傳統貨倉所貯存的商品，亦不會因此被視作違反相關地契訂明的「倉庫」用途。
想知道更多可參照土地登記冊嘅資料，每次查詢收費由 $10-$30不等，詳情可瀏覽https://www.landreg.gov.hk/tc/services/services_b.htm。
