
有無諗過,50 歲嘅自己會係點?到時你已經此生無憾,定係仲胡裡胡塗咁過日子?以下「不後悔」人生嘅4大要訣,好多都係出自知名人士嘅人生經驗,你又做到幾多項?
1. 盡早養成儲蓄習慣:全球知名嘅股票大師畢菲特早年搞咗個競猜遊戲,如果有人成功估中全美大學籃球淘汰賽所有勝出隊伍,就可以捧走股神送出嘅10億美元獎金。最後獎金當然無人拎到,但股神受訪時就提到好少見有一夜致富嘅人,提醒大家發達冇捷徑,並忠告需要培養儲蓄嘅習慣。正所謂機會係留俾有準備嘅人,只要你一路將儲蓄滾存落去,機會一到時,回報可能超出你所想。
2. 唔好畀「磚頭」綁住一世:已故經濟分析員曹仁超曾經喺訪問中勸勉年輕人「唔好畀500 呎綁住你嘅青春」。有錢買「磚頭」保值固然OK,但就要量力而為。試諗吓如果你25 歲畀首期,供到45 歲,而你嘅財政並非太充裕,盲目入巿會加重你經濟負擔及壓力。喺呢段時期生活質素可能下降,或者會錯過其他致富良機,或會令你白白浪費左寶貴嘅黃金廿年。與其係咁,何不將呢筆金錢放喺其他你心目中更高priority嘅事情上? 譬如讀個master為自己增值,或者去個working holiday感受當地文化,擴闊自己視野。
3. 追一次夢想,無論成功與否:中國商業奇才馬雲講過:「如果我馬雲能夠創業成功,那麼我相信中國80%的年輕人都能創業成功。」佢之所以咁講,因為佢自覺平凡,都可以靠永不放棄嘅精神建立起商業王國。那怕你想開一間小小café定係歸隱田園攪個有機農場,都要及早付諸實行,須知道愈拖得耐,機會成本就會愈大,熱情亦會隨之減卻。即使結果最終失敗,過程中學到嘅嘢可能比你做個平庸打工仔黎得更終身受用。
4. 至少去一次深度旅遊:同傳統嘅旅行團式走馬看花相比,越來越多人用深度旅行嘅方式,走入當地社區,令人生觀有更深體會。近代中國文壇巨匠林語堂可以話係先驅,佢一生人去過好多地方遊歷,留低一句名言:「旅行必須流浪式,否則便不成其為旅行。」這個“流浪式”並非指窮遊旅行,而是摒棄一般吃喝玩樂行程,選擇較偏門路線,或入住當地民居,與當地人互動交流,切身感受當地文化。不妨明天就請一個長假,買一張機票向深度行出發。
以上都係知名人士從過去人生經歷中累積嘅智慧,無論是哪一項,及早實踐計劃會令你過程更輕鬆。
立即致電 直接與專人即時查詢
電話: +852 3952 0222
電郵: enquiry@rcphk.com
帝城地產本著服務至上,細心聆聽顧客所需,為客戶提供專業買賣或租賃意見。免費提供最新本區或外區最新成交,以及銀行估價服務。
立刻取得 開業一條龍 致富秘密
於下方輸入電郵(Email) 即可得到 最快最新 創業心得 經營生意工商舖投資、買賣技巧、租務注意位等 資訊
[wysija_form id=”2″]